Universitet haqida

HWASHIN KOREA UNIVERSITETI ga xush kelibsiz!

O’zbekiston Respublikasi va Koreya Respublikasi o‘rtasida o’zaro diplomatik munosabatlar o‘rnatilganining 30 yilligi ushbu mamlakatlar o'rtasidagi “maxsus strategik sheriklik” munosabatlarini yanada yuqori bosqichga ko‘tardi deb aytish mumkin. (1992-yil 29-yanvar). O‘zbekiston Respublikasi Prezidenti Shavkat Mirziyoyevning Koreya Respublikasiga davlat tashrifidan so‘ng (2019-yil 19-aprel) ikki mamlakat o'rtasida sog‘liqni saqlash, energetika, “aqlli shaharlar”, axborot-kommunikatsiya texnologiyalari (AKT), ta’limni qo‘llab-quvvatlash sohalarida uzoq muddatli hamkorlik amalga oshirilmoqda. Mazkur islohotlar va hamkorliklar natijasi o'laroq O'zbekistonda koreys uslubidagi nufuzli Hwashin Korea universiteti ochilganini mamnuniyat bilan e’lon qilamiz.

Bizning maqsadimiz xalqaro andozalarga mos zamonaviy o'quv dasturlarini taklif qilish va talabalarimizni jahon mehnat bozorida muvaffaqiyatga erishishi uchun zarur bo'lgan bilim va ko'nikmalarni shakllantirishdan iborat. Shuningdek, biz O’zbekistonning ta’lim sohasidagi islohotlariga mos ravishda “jahon sanoatida zarur bo‘lgan kasb-hunar va texnik ta’lim bilan ta’minlash maqsadida oliy ta’lim muassasalari va boshqa texnik ta’lim muassasalari”ni tashkil etishni maqsad qilganmiz.

Faoliyatimizning ilk bosqichida talabalarning dastlabki guruhini 2023-yil 4-sentabrdan(tahminiy) boshlab qabul qilishni rejalashtirganmiz. Oliygohimiz kampusida jahon andozalariga mos zamonaviy laboratoriya, kutubxona va yotoqxona kabi sharoitlar mavjud. Universitetning professor-o'qituvchilari va xodimlari tomonidan talabalarni malakali ta’lim va yuqori sifatli sharoit bilan ta'minlash maqsadida ularga sifatli ta’lim hamda har tomonlama qo’llab-quvvatlash xizmati taqdim etiladi.

Nega Hwashin Korea Universiteti?

Boshqa universitetlardan qanday afzalliklari bor?

Koreyada tajriba. 4 yillik ta’limning ma'lum bir qismini Koreyada o’tkazish orqali qimmatli tajriba orttirish hamda Koreya madaniyati va jamiyati bilan yaqindan tanishish imkoniyati mavjud. Shuningdek, talabalarga yozgi intensiv dasturlar yoki talaba almashinuvi dasturlarini tanlash imkoniyati taqdim etiladi.

Qo’shma ta’lim dasturi. Hanyang universiteti, Gachon universiteti va Hankyong milliy universiteti kabi Janubiy Koreyaning yetakchi universitetlari bilan hamkorlikdagi 2+2 va 3+1 qo’shma ta’lim dasturlarida qatnashish orqali 4 yilda 2 ta diplomga ega bo‘lish imkoniyati mavjud.

Koreys tili darslari. Koreys tilini universitetimizdagi eng malakali professor-o'qituvchilar va bepul video darsliklarimizdan o'rganish imkoniyati taqdim etiladi. Toshkent shahridagi Koreya Respublikasining taʼlim markazi (direktor Peng, Ju-Man) bilan hamkorlikda Hwashin Korea Universiteti qoshida 2 ta markaz yaʼni, Nurafshon Koreya markazi va TOPIK Test markazini tashkil etish orqali tez orada barcha darajadagi koreys tilini oʻrganuvchilar uchun bepul onlayn darslarni taqdim etish rejalashtirilgan.

Koreyalik professorlar jamoasi. O‘z sohasida mukammal tajriba va yetuk ilmiy salohiyatga ega yetakchi Koreyalik professorlardan ta’lim olish imkoniyati. Bizning professor-o'qituvchilarimiz sizning ilmiy maqsad va orzularingizga erishishingizga yordam berish uchun yuqori sifatli ta’lim va o’z maslahat-tavsiyalarini berib borishadi.

Turli ta’lim dasturlari. Talabalar o’zlariga qulay bo’lgan vaqtda va o’z ehtiyojlaridan kelib chiqqan holda, ertalabki ta’lim, tushdan keyingi ta’lim va sirtqi ta’lim dasturlaridan birini tanlashlari mumkin. Sirtqi taʼlim dasturlari bo’yicha universitetimiz tomonidan Oʻzbekistonda ilk yondashuv asosida koreyalik professorlar tomonidan yozilgan video-kontentlar taqdim etiladi. Nisbatan arzonroq o'quv shartnoma to'lovlari asosida talabalar sirtqi ta'lim shaklida ta’lim olish imkoniyatiga ega bo’ladi.

Ishga joylashish imkoniyati. Koreya va O‘zbekistondagi kompaniya hamda tashkilotlar bilan hamkorlikda kafolatlangan dasturlarimizda qatnashib, kelajakdagi karyera yo’lingizni kengaytirish imkoniyati mavjud. Biz talabalarning ko'nikmalari va qiziqishlariga mos keladigan eng yaxshi karyera imkoniyatlarini topishda yordam beramiz.

Magistratura dasturlari. HKU talabalari bakalavriat bosqichini tugatgandan so'ng, ularga Koreyadagi hamkor universitetlardan birida magistratura yoki doktorantura bosqichida o’qishni davom ettirish imkoniyati taqdim etiladi. Biz talabalarga Global Korea Scholarship (GKS) dasturiga ariza topshirishda ko’mak va ta’lim olish uchun moliyaviy yordam olishda qator takliflarni taqdim etamiz.

Bizning oliy maqsadimiz

HKU jamoasining eng oliy maqsadi - bu mamlakatimiz va jahon taraqqiyotiga hissa qo‘shadigan sifatli ta’lim berishdir. Biz Yangi O’zbekistonda yetuk, barkamol, zamonaviy hamda sog’lom fikrlay oladigan, vaqt qadrini bilib, uni to’g’ri taqsimlay oladigan yoshlarning yetishib chiqishida o’z hissamizni qo’shishni oldimizga maqsad qilganmiz.

Bizning Universitetimizda tahsil olib, uni bitirib chiqqan talabalar nafaqat O’zbekistonda, balki butun dunyoga mashhur Abu Ali Ibn Sino, Abu Rayhon Beruniy, Mirzo Ulug’beklar kabi yetuk allomalar bo’lishlariga ishonamiz. Shunday olimlarni dunyoga keltirgan yurtdan yanada ko‘proq buyuk insonlar yetishib chiqishiga ishonamiz. Zero, "MUVAFFAQIYATLI HAYOT KALITI" o’z qo'lingizda!

REKTOR SOʻZI

Hwashin Korea Universitetiga xush kelibsiz!

HKU | Rektor so'zi

Bugungi kunda dunyo turli yoʻnalishlarda faol taraqqiy etmoqda hamda bu jarayon fan va texnologiyalarni takomillashtirish bilan birga yuz bermoqda. Ma’lumki, muvaffaqiyatga erishishda va zamonaviy insonning oʻzini-oʻzi yanada takomillashtirishda aynan sifatli ta’lim birinchi oʻringa chiqadi.

Bir necha yillardan buyon dunyoda toʻrtinchi sanoat inqilobi amalga oshirilmoqda, unda barcha mamlakatlar turli bosqichlarda ishtirok etmoqda.

Oʻz navbatida Koreya Respublikasi bu yoʻnalishda Oʻzbekiston Respublikasida ijtimoiy-iqtisodiy sohalarni jadal rivojlantirish va qayta tashkil etish yoʻlidan oʻtish uchun yetarlicha tajriba toʻplagan. Va bu oʻzgarishlardan biri ta’limning yangi paradigmasi boʻlib, u bizga innovatsion uslublar va nazariyalarni, tadqiqotlar va standartlarni ishlab chiqish va yaratish imkonini beradi.

Shuning uchun universitetimiz konsepsiyasidagi kalit soʻz “Hwashin” (화신) boʻlib, bu “Uygʻunlik & Innovatsiya” ma’nolarini anglatadi. Koreya taʼlim tizimining ilgʻor texnologiyalari va yutuqlarini innovatsion yondashuv va ilmiy xarakter gʻoyasi bilan uygʻunlashtirgan holda universitetimiz taʼlimga yangicha yondashuvni taklif etadi, bu esa, shubhasiz, Oʻzbekiston taraqqiyoti uchun ulkan hissa qoʻshadi.

Hwashin Korea Universiteti talabalari nafaqat yuqori darajadagi ta’lim, balki jamiyatda xalqaro professional boʻlish imkonini beradigan shaxsiy rivojlanishdek noyob tajribaga ega boʻladilar. Oliygohda tashkil etilgan gumanitar fanlar majmuasi esa multi-madaniyatli jahonda zarur boʻlgan shaxslararo muloqot koʻnikmalarini ta’minlashga xizmat qiladi.

MUVAFFAQIYATLI HAYOT KALITI!

Biz “Muvaffaqiyatli hayot kaliti” har bir talabaning oʻz qoʻlida ekanligiga ishonamiz, shuning uchun biz barcha oʻquv dasturlarida bitiruvchilarimizga integratsiyalashgan muhitda kelajakda global iqtisodiyot va siyosatda raqobatbardosh hamda yetakchi boʻlishga yordam beradigan ilgʻor oʻquv vositalari va resurslarini ham taqdim etamiz. Bizning oliy maqsadimiz – talabalar uchun universitet hayoti imkon qadar foydali boʻlishini ta’minlash va Hwashin Korea Universitetida har bir talaba shaxsiy oʻsish va muvaffaqiyatga erishishda yordam berishdan iboratdir.

Hurmat bilan, Jo Byong Ryeol
Hwashin Korea Universiteti rektori

Yangi kelajak!
Hwashin Korea universiteti bilan yangi marralar sari!!
Siz bosh qahramonsiz!!!

Bizning jamoa

Kim, Minjung

Koreyashunoslik kafedrasi mudiri

Lee, Sunghwa

Ingliz filologiyasi kafedrasi mudiri

Lee, Seungheon

Turizm va mehmonхona
menejmenti kafedrasi mudiri

Aqlli qishloq xo'jaligi
kafedrasi mudiri

Kim, Jonghyun

Kim, Sungsoo

Kompyuter fanlari va axborot
tizimlari kafedrasi mudiri

Kasimov Jamshidbek

Biznes boshqaruvi
kafedrasi mudiri

Ashurov Abdulaziz

Xalqaro savdo
kafedrasi mudiri

Buхgalteriya hisobi va raqamli texnologiyalar kafedrasi mudiri

Noh, Gilkwan

Park, Heegon

Gumanitar fanlar
fakulteti dekani

Na, Sahmil

Umumiy Koreys tili ta’limi
bo’lim mudiri

Murodova Nazira

Umumiy Ingliz tili ta’limi
bo’lim mudiri

Rus tili va adabiyoti
kafedrasi mudiri

Rotanov Aleksey

Rustamova Nargiza

Tilshunoslik (Ingliz tili)
bo'yicha magistr

Istayeva Saltanat

Tilshunoslik bo'yicha magistr (tadqiqotchi-pedagog)

Toshmatov Mansurjon

Tilshunoslik (Ingliz tili)
bo'yicha magistr